Tum hote toh aisa bhi kya ho jata,
Jo mein tumhe yaad karun.
Saanse toh ab bhi chalti hi hai,
Hasi bhi aa hi jaati hai kabhi kabhar,
Mausam bhi apni hi raftaar se badalte rehte hai,
Din aur raat, raat aur din,
abhi bhi aankh micholi khela karte hai aangan mein,
Raat kabhi taaro mein toh nahi gujri hogi,
der-saver hi sahi, thapthapi dene neend aa hi jati hai,
Sham hote hi aaj bhi chidiyon se aangan bhar jata hai,
Tum hote toh aisa bhi kya ho jata,
Jo mein tumhe yaad karun.

Par na jaane kyon………..
ek afsos sa,
ungali pakad kar sath-sath hi chalta hai,
Khuda se narajgi aaj bhi barkarar hai,
Jindgi buri toh nahi, par adhuri jarur hai,

Tum jo hote toh shayad,
ye rukhapan na hota,
neend ki goliyon ki dibbiya bistar na padi rehti,
khuda se bhi dosti ho gyi hoti,
hasi, thahaako mein badal jati,
bechain kar dene vale sapne na hote,
chidiyon ka kolahal, kaano ko suhata,
tum jo hote, toh shayad…
saanso k sath-2 jindagi bhi hoti
shayad isliye tum yaad aate ho…
bahut yaad aate ho.

Happy Reading!
AY